had se guzarta bhi nahi
bhool ker tujh ko
Ajab haal hua hai dil ka
saal ha saal se dil
mundamil hota hua ghao hai
doobti hai koi hasrat
na ubharti hai umeed
behr e alaam main
tufan hai na thehrao hai
ufaq e zeest pe tal'at hai
na tareeki hai
na tareeki hai
her taraf dhund ka
mohoom sa kujrao hai
mohoom sa kujrao hai
saahil e chashm pe moti hain,
na taaray hain, na ashk
soch ka haath hai
ehsaas ka pathrao hai !
doobti bhi nahi
seedhi bhi nahi hoti hai
umr ki lehr pe jan ulti hui nao hai
takhtian jiski
teray payar se paivastah hain
baadban jiska
mearay saans ka phailao hai
saans rukta bhi nahi
theek se chalta bhi nahi
bhool ker tujh ko
ajab haal hua hai dil ka
glossary: behr e alaam=sea of pain
mundamil hota hua= in healing process
ufaq e zeest= horison of my life
tal'at= light,Roshni
paivastah= nailed up, fixed
Baadban=sail
No comments:
Post a Comment